ايا لبيه ...صوتيه جنان

صباح الخير ياخير الصباح المشرق الممطور
على انفاس الربيع اللي يبخته دامه يشمك

صباح الروز والورد المعطر في شذاه زهور
ليا منه نبض قلبك وثار العرق من دمك

فقدتك لي ثلاث ايام مدري هي ثلاث دهور
وكاد اني حضنتك طيف حشمته يوم انا اضمك

وكاد اني سمعتك صوت يحكي نبرة المقهور
حكيتي عن ابن عمك وانا ماني ابن عمك

انا واحد من اقصا الارض جاك وخاطره مكسور
لفاك يلملم اشلاءه لقا اشلاءه تلمك

انا واحد حكا شعره بلحظة طيش دون شعور
حسبت اني بزيل الهم واثري زدت في همك

ولاني قايل اسف بحجة هالخطا مغفور
ولاني واعدك اني معدني مقربن يمك

انا بقرب ولامنك تباعدتي يا ام الحور
ومسحتي صورة الواقع فخبيني وسط كمك

وانا برسمك في ذاتي اميره ساكنه بقصور
ولاني خادمك الا انا سيدك ومن همك

ابغرق في نحر يمك يحورية سبع لبحور
يالبا النحر لامنه غرق قلبي وسط يمك

ايالبيه ويالبا عسلك وشهدك المنثور
من ادنا قاع اقدامك ليا اعلى ماحوا فمك

ايالبيه من واضح غلاك لخافي المستور
من اطرف خيط فستانك ليا آخر نقش في كمك

ايالبيه من ضحكة حسنك المترف المسرور
تزمين الحسن والا هذاك الحسن هو زمك

تقولي كيف مدري كيف قولي كم انا معذور
يلبا كمك وكيفك ولبا كيفك وكمك

واخاف اني بزيد الشعر واطيح بحرمة المحضور
لذا جاك القصيد احساس مني ولفا لمك

ولا منه وصل قولي صباح الخيريا مغرور=
تسلي به مدامه نبض من دمه ليا دمك

ايالبيه من واضح غلاك لخافي المستور
من اطرف خيط فستانك ليا آخر نقش في كمك



صح لسانش وصح لسان شاعرها

يعطيش العافيه على الطرح الرائع


ولاتحرمينا جديدش

هلابك ابو مشعل

سعيده بتواصلك

صح لسااانج ولسااان شاعرهااا

ونتريا اليديد من صوبج يالغلا

صح لسانج اختي

الطرف الذبووحي

هلابك يالغلا

سعيده بتشريفك