لا تشتكي الوقت

08-24-2009

ياصاحبي لاتشتكي الوقت والحال = خل الذي في قلبك اليوم خافي
ما كل حكيٍ يا ابيض القلب ينقال = و لا كل عمرٍ من شقى الحال غافي
رح و اشتكي للي له الكل رحال = و ارفع كفوفك له ترى الله كافي
و اعرف ترى كلٍ من همومها شال = و لا عاد شفت اللي من الهم صافي
ما انت الوحيد اللي شكى الوقت و الحال = و ما انت الوحيد اللي له الوقت جافي
اكذب عليك ان قلت لك خالي البال = ياما مشيت الدرب و النور طافي
همي بقلبي يالخويّ اتعب الحال = دمعي بعيني نهّض اليوم قافي
انت الرفيق اللي بهالكون ما مال = لا ضاق صدري من هم القاك لافي
ترى غلاك اليوم ثابت و لا زال = و لا عاد ابي ربع القلوب المقافي
خذني يمينك وابشر بذرب الأفعال = لأمشي معك لو وين كان انجرافي
أقسم قسم انك على الراس تنشال = خذ من قصيدي وشوف جل اعترافي

منقول

08-24-2009

لا هنت على النقل الجميل لقصيده تحمل الكثير من المواساه , وبها معاني الشكوى المتبادله

نقل لا يعلى عليه , اشكر لك هذا النقل

بيض الله وجهك وصح لسانك وتقبل مروري

08-25-2009

خالد المري

تسلم يالغالي على القصية اللي تجنن

وتحياتي لك

الشقرة

08-25-2009

اكذب عليك ان قلت لك خالـي البـال
ياما مشيت الـدرب و النـور طافـي
همي بقلبـي يالخـويّ اتعـب الحـال
دمعـي بعينـي نهّـض اليـوم قافـي
انت الرفيق اللـي بهالكـون مـا مـال
لا ضاق صدري من هم القـاك لافـي
تـرى غـلاك اليـوم ثابـت و لا زال
و لا عاد ابي ربـع القلـوب المقافـي
صح الله لسان شاعرها وناقلها
الله يعطيك الف عافيه اخوي خالد المري على القصيده الرووووعه

08-25-2009

اقتباس:

المشاركة الأصلية كتبت بواسطة أخت الرجال

لا هنت على النقل الجميل لقصيده تحمل الكثير من المواساه , وبها معاني الشكوى المتبادله
نقل لا يعلى عليه , اشكر لك هذا النقل
بيض الله وجهك وصح لسانك وتقبل مروري

ولاشنتي يا أخت الرجال والعفو ياطويلة العمر

وصح بدنش وصح لسان قايلها

عسى عمرش طويل وحالش جميل

حياش الله ومرحبا بش ومسهلا

08-25-2009

اقتباس:

المشاركة الأصلية كتبت بواسطة الشقرة

خالد المري
تسلم يالغالي على القصية اللي تجنن
وتحياتي لك
الشقرة

الله يسلمش يا الشقره وبيض الله وجهش على المرور الطيب

اسعدني مرورش العطر ياطويلة العمر

حياش الله ومرحبا بش ومسهلا

08-25-2009

اقتباس:

المشاركة الأصلية كتبت بواسطة زهرة الكون

اكذب عليك ان قلت لك خالـي البـال
ياما مشيت الـدرب و النـور طافـي
همي بقلبـي يالخـويّ اتعـب الحـال
دمعـي بعينـي نهّـض اليـوم قافـي
انت الرفيق اللـي بهالكـون مـا مـال
لا ضاق صدري من هم القـاك لافـي
تـرى غـلاك اليـوم ثابـت و لا زال
و لا عاد ابي ربـع القلـوب المقافـي
صح الله لسان شاعرها وناقلها
الله يعطيك الف عافيه اخوي خالد المري على القصيده الرووووعه

الله يعافيش ويسلمش أختي زهرة الكون

اسعدني مرورش العطر ياطويلة العمر

حياش الله ومرحبا بش ومسهلا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات المري نت

لا تشتكي الوقت

القوافي والموازنة