يابو سعود القلب ضايق ومرتاب=والبال فيه من الهواجيس عله
اسهر طوال الليل والنوم ماطاب= كني خليل مفارق شوف خله
عقب الثمان اللي مضن سجل اعتاب=ولولا الغلا ماجيت ابفتح سجله
ياشينها وان جات زله من اصحاب=زله تهون وتجرح القلب زله
تدري وش اللي يجعل القلب منصاب=تدري وش اللي كل ساعه يتله
زله رفيق زل ثم عقبها غاب=اقفى وكنه ينتظرها من الله
لكن قله وان بدالك بالاسباب=ان راح غالي وان رجع في محله
ولاتغره الدنيا ترى الوقت دولاب=فكره يقوده والليالي تدله
وانا عزيز النفس من بين الاشناب=ومن شح عذره بالمواقيف خله
من باعنا بالرخص بعناه بتراب=ومن هو يقدر خويتي مخلص له
ولا ارخصت نفسي دونها ترخص ارقاب=ونموت ماعشنا حياه المذله
انا رضعت العز ما شقلي ناب=وفينا شموخ الذات طبع وجبله
ارقى بعلوم الطيب في كل مرقاب=ومن فوق ربعي مزنه مستهله
ومن لا اعتبرني راس ماله بالاقراب= ماهو خساره لو فقدناه لله
واليوم يابندر نبي نقفل الباب= ونطوي السوالف مثل طوي المجله
بيني وبينك خلها ستر وحجاب=لا يفرح العاذل ليا شاف خله
توقيع :
ميّت أدّور ما يسلّي خفوقي =ولقيت ذكر الله يرّيحه واجـد
الله يبعد عن عجوزي عقوقي =والله يقرّبني ليا صرت ساجد
(( وداعة الله يا أعز وداعه ... ولا ضاع شيٍ في وداعة ربّي ))
اهداءات المري نت
إن غاب غالي وإن حضر في محله ! 
العرض العادي
