الله يعظم اجري

الله يعظم أجري واحسـن الله عـزاي=والله يبيـح منـّك ياحبيـبـا" ســلا
مت بالحب وآنا دافنـك فـي حشـاي=بين حدب الضلوع اللـي تكـن الغـلا
أشرقت شمس حزني وأعتلت في سماي=وغاب نجم السعاده من سمـاي وجـلا
كل ما آصيح باسمك رد صوتي صداي=كني اللي يصوت فـي ديـارا" خـلا
يا سرابا" تبعتـه ساقنـي لـه ظمـاي=غرني فـي حـلاه ولا سقانـي حـلا
أبنـي الصبـر فينـي ويتهـدم بنـاي=والبلا جمر بعدك في الفـواد اصطـلا
وآتعنـز بحظـي أحسبنـه عصـاي=وانكسر بي وظحك بي جميـع المـلا
أنت والحظ الأول للوصـال عمـلاي=كيف صرتوا بدونـي للفـراق عمـلا
ياحبيبي وش اللي تطلبـه مـن وراي=صاحبك وان شرب له حاجتا" ما كـلا
أنـت داي ودواي ولا تـأخـر دواي=كل ما أبطيت عني زدت همـي بـلا
لاتبكي صديقـي يـا مظحـك عـداي=وأنت ما جاك مني كـون سـم وهـلا
كل ما قلت هانت يـا عنـاي وشقـاي=هل دمع العيون وقلت مـا بـه شـلا
أول الحب هاي وآخـره بـاي بـاي=وكل عاشق حياتـه بيـن هـم وجـلا