ماعاد ابي من سود الايام تعليم

وابكي على حالي من الوجد وآهيـم =لـيـن الـزمـن يخـلـف علـيّـه نسيـمـه
أبكـي حياتـن صافيـه مـا بهـا غيـم =ويــن المـحـبـة والـقـلـوب السلـيـمـه
أبكي قهر وابكي من الغبن والضيم =وابكـي مــن طعـونـن بقلـبـي قديـمـه
غدر الزمن خلّـى بوجهـي مراسيـم =ومـا يـذبـح الـرجـال مـثـل الهزيـمـه
بعض المصايب شرها ياكـل الهيـم =وشـلـون بكـبـود الـرجـال الكـريـمـه
وبعض المصايـب يخلفـن المفاهيـم =تبغـى علـى مـا قيـل صبـر وعزيمـه
مظلـوم بالدنـيـا وغـيـري مظالـيـم =مـن عـرض ناسـن لبسوهـم جريـمـه
ما عاد أبي مـن سـود الأيـام تعليـم =عقـب العـذاب اللـي كلانـي جحيـمـه
ولـو تصفـي الدنيـا علـيّ الملازيـم =مـا عــاد أدور مــن وراهــا غنيـمـه