مسجات العيد

مـاجيت أكرر فالتهـانـي ولا آزيد = أو جيت أعيد افكار غيري إعاده
لاشك جيت أطرح تواصل وتجديد = من خافق اللي مـاتغيـر وداده
غـلاك أعـذب من مياه المواريد = ومحبتك فالقلب سكر زيـاده
عيدك مبارك وإنت من عايد العيد = وياجعل فالك للفرح والسعاده

صعبه يمر العيد ماقول مبروك = غلاك يجبرني بـزف التهانـي
غلاك مايبغي له إسناد وصكوك = متربع ما بين عوج المحانــي
لفيته بقلب ٍ ورا الصدر مصكوك = حشمه وفاء وإخلاص قدر وتفاني
عيدك مبارك ياأبيض الوجه مبروك = و الله يديم لك السعد والتهاني

العيد يزها بالرجال الأجـــاويد = اللي لهم بالقلب قدر وحشـيمه
رجال عز وبالشدايد صنــــاديد = جاه ووجاه وبالملاقا عظـــيمه
افخر بهم وأعتز لا قلت بالعـــيد = مبروك عيد أهل القلوب الكريمه

للعـيد في قـ♥ـ♥ـلوب المواليف ميعاد = وبيني وبينك .. عيدنا دايماً غير
ماهي سوالف مبروك عيدك وينعاد = عجزت ادورلك عبارة وتعبير
وأقولها من قلب والصدق به زاد = عسى ايامك أعياد يامنبع الخير

فرحة الأعياد بشوفك تكتمل = وانت عيد القلب يومه يحتويك
وشيفيد القول وترتيب الجمل = دام كل حروف حبي ينتخيك
والرسايل بيننا همزة وصل = وعيدك مبارك عسا الفرحة تجيك