قصيدة تعبر عما فيها
وأهل الطيب لايجزون الا بمثله والمدح هم اهله ويستاهلونه اترككم معها :-
انت ياللي تبغـي الطيـب واعلومـه=هــاك مـنـي اعـلـومٍ تـوهـا طـــازه
يـوم ضـاقـت عـلـي كـنـي بتنّـوُمـه=ليـل مظلـم وخــطٍ صـعـبٍ اجـتـازه
كبدي اللي بساعتهـا عطـت حومـه=وانقطـع بـي الرجـا وبانـت العـازه
بنشرالموتروسبيره كثرت حطومـه=والبقـيـه عـلـى الرنـقـات مـعـنـازه
والاجهزه الهاتفـيـه كنـهـا بـومــه=مابهـا ارسـال لابوهـا مـن اخـنـازه
ليلـة تفـرق الطيـب مــن ارخـومـه=واطـلـب الله مــن للطِـيـب يحـتـازه
شفت ليت النشاما في علا احزومه=وقمـت اشـر بنـورٍ خلـف مـحـوازه
قالوالنور يعطي افلاش وش قومـه=وجهـوُ لــي وكـنـي الـلـي بعـكـازه
قالو ابشر ووقلبك راحـت اهمومـه=انــت ريــح واعــط الخـبـز خـبـازه
كلـهـم طـيــب حلـحـيـل باسـلـومـه=وهمـتـه عالـيـه والــلاش مـــارازه
ذاك الصعاق والنومان بهم شومـه=فـي العلـوم الـرديـه مالـهـم عــازه
وذاك ابـن هايـلـه مايلحـقـه لـومـه=طيـب ومـن خيـار القـوم واعـزازه
ثـم لفانـا صبـي الخيـر فــي قـومـه=صـامــلٍ والـغـنـايـم دوم مـعـنــازه
ذاك اخو ملهيـه والطيـب مغرومـه=جـيـدٍ وبالمـراجـل مـاهـو اعـفــازه
بوعـلـي راشــدٍ بالـخـيـر يـادومــه=وكـل طيـبٍ مـن الجـدان قـد حــازه
وقـام ولـد الهميمـي حطهـا كـومـه=فــي ظـهـر مـوتـره ومـولـعٍ قـــازه
ساعتيـن وجـاب المـاي واطعـومـه=وزادهـا اللـي جديـد وتــو بـطـرازه
جعل يفـداه مـن تلعـب بـه احلومـه=يحسب المرجله عصرات من مـازه
بنـت شومـي مـن للـروح بيسومـه=نـادر مـن نـوادر ويــل مــن هــازه
ذي اعلومي ياهـل الكـار واعلومـه=من بدا الطيب يجزى به وهو طازه
الشاعر/منصور منيخر الوذين المري
اهداءات المري نت
لايشكر الله من لايشكر الناس 
العرض العادي
