سلام الله على فهد وعلى شعب الفهد والـدار=سـلام الله عليكـم كلكـم ياهـل السعوديـه
سلام من غلى اللي له يساق يبـرد الخطـار=سلام برد الخاطر غلـى مـن حـب راعيـه
وسلام الله على الجبرين والجمهور والـزوار=احب أهدي محافضكم شهـادة شكـر مثنيـه
تبناها وطورها وجعل كـل الـدروب ازهـار=وساعد في بنى التعمير ايلين اسس مبانيـه
جهوده فالنعيريه جهـود تخطـف الأنضـار=جهوداته على لسان أهـل سكـان الشماليـه
من اللي يذكر اشكان البلد واليوم وشهو صار=اماني كان مسموعه وجـات اليـوم مرئيـه
عليها من رضى ربي عليها صـادق المطـار=الى هل المطر شفـت الخليجـي فالنعيريـه
انا مدحت ابن جبرين وراعي الطيب له ذكار=مدحته يوم جاني في قطـر ذكـره وطاريـه
وانا من يوم جاني رقم في نصفه ثلاث اصفار=وانـا متوكـل بالله ومعـزم نيـة الجـيـه
ركبت الموتر اللي مايهمه طولـت المشـوار=لو ان راعيه شرقـاوي ولوحاتـه كويتيـه
لك الله ثابت ممشـاه للمركـز مـن الـدوار=وهو يشر لتسعينـه عقـب ماشقـح الميـه
وتعديت المراكز وانتهضت بشوفت المحـدار=اهلها هم هل الخيـل الصفرلاكبـرت الهيـه
الى العذبه مع ال سنيد وال بحيح عز ووقـار=وسلام الله على الجيبان وانبـاك وضواحيـه
وسقته لين مريت ال حنيتم والنعـم تكـرار=بعدها هجرة ال نابت رجـال الوقفـة الحيـه
ايلين اقبلت صوب السيح يانعم الذرا والكـار=وقبلته على العصلـى هـل العـز وحراويـه
بعدها هجرة ال بريد ربـع فعلهـم مشهـار=بعدها هجـرة ال بريـص للطيـب ومرابيـه
بعدها سقتنـي ياقـار الا يامبركـك ياقـار=احب الخـط يومـه مـر بـي دار الفهيديـه
وقبل ماروح اقدم عذر وعذري يبغي العـذار=الى الحسناء واهل يبرين وشجعه والعضيليه
ولا انسى كل غفراني وزبداني هـل المقـدار=لو ان ماهي على دربي لكن ماهيـب منسيـه
ولا انسى يابني سلمان واعلنها علن واجهار=ولدكم فيه من جود العـرب والطيـب ماريـه
بني عمي مطوعة الصعب سقمن على من جار=ومن حبي لربعي قد عـروق القلـب مريـه
انا بمدح بني عمي وذي من ميـزة الشعـار=ورجل مامـدح ربعـه تـرا نفسـه دناويـه
وواجب كل مامريت صوب الجوف لي مسيار=بني هاجـر الا ياحـي مـن طريـة ياحيـه
وكرمت محلف اكرمكـم الله ياحمـاة الجـار=مكرمة الضيوف وعون من كثـرة عزاويـه
ووجهته على الوادي مغيب الشمس فالصرار=ونعم ياهل الـوادي الـى مـن قيـل ياميـه
سلام الله عليكم لاغـدا جـو النهـار غبـار=على ذا يشهد التاريخ وحاضركـم وماضيـه
اقولـه والقبايـل ماعليهـا زود ياحـضـار=وكلن فيـه حـق وكلمـة المـري عموميـه
وكرمت وتعديـت وبغيـت اكمـل المشـوار=ولا والله وعيـت الا وانـا وسـط النعيريـه
اهداءات المري نت
11-06-2009
{ ومن حبي لربعي قد عروق القلب مريه } 
العرض العادي
