al3rbizi ... الـ عربيزي ...!!

11-15-2009

alslam 3likm o r7mt alla o brkata
btklm alyom 3n mo'6o3 mnrfzni o aho al3rbizi

أممممممم...
موضوع عن لغة مبتدعه...أو طفره بين جيل هالايام...( يعني شي توهـ طلع )...
وأنتشرت بشكل رهيب ومخيف...بالشاتنق...والمسن...والموبايل..!!!
الصراحة .. ولا تضحكون .. احس وانا اقرا هاللغة اني ياهل توها تفك الخط .. على قولة اخوانا المصريين ..

اقرا حرف ..حرف
وكل مرة اتذكر الخدامات وهم يتكلمون عربي " هادا مافي معلوم "

جد .. خاطري اعرف تفسير او سبب لاستخدام الحروف الانجليزيه فى الكلام باللغه العربيه؟؟!!!!!

طبعا ما اتكلم عن الناس اللي جهازهم مافيه عربي ومضطرين لاستخدام الحروف الانجليزيه

اللى ينرفزنى الناس اللى عندها عربى وبعد مصرة انها تكتب بأحرف انجليزية ..
أبلفيت ثقافه...أو تطور ...أو مواكبه للعصر...ما أدري ليش...!!
ولما اطلب انهم يكتبون بحروف عربيه لسهولة القراءه يكون الرد

a9li mt3wda aktb english

اموت واعرف .. تعودتي شلون ؟؟!!
يعني اكيد ما انولدتي تكتبين انجليزي بسرعه!
وما أنولدتي على هالخليط من الحروف والارقام اللي توهـ ظاهر لنا

هل هو نوع من الوجاهه مثلاً .. اونها؟
ولا نوع من الفشلة .. من الحروف العربية؟؟
ولا شنو بالضبط

ودي حد يفسر لي

عمرى ما شفت واحد انجليزي يكتب بحروف عربيه ولا هنديه ولا صينيه
كل لغه لها حروفها
تكلم عربى يبقى بحروف عربية
تكلم انجليزي يبقى بحروف انجليزيه

لكن لا تكتب لغة بين الاثنين مالها اي اصل

11-15-2009

انا اتوقع هذولا مع النت اول ما وصل الشرق الاوسط يوم كان مافي برنامج عربي وتعودا على الكتابه بها الاحرف

لكن سالفة الوجاهه هذي اللي مادخلت لي مزاج

انا اعرف ناس بالكلام يتكلم كلمتين ويقط لك كلمه انجلش يعني ...................... كلام ..... ..........ديو نو ماي فرند هذي مهايطه معش انا

بس كلمات متعودين عليها مثل اوكى ... باي ... لاااااه في بعض العالم يحاول يحور الاوكى يسميها اوكيشن هذا يبي يحاول يهايط بس من جنب القده

هذا ماعندي والله يحفظكم واشكرش اختي عالموضوع

11-15-2009

انا معك لان هالناس اللي تكتب بالعربي بالاحرف الانقلش << تعباانه تقلب لعربي ههههههههههههه

او نوع من المهاايط اللي ماله داعي

بالعكس احنا نفتخر باللغه العربيه

طيب هم مااسالوا انفسهم ليه الاجانب مايحاولون يتكلمون عربي

او يكتبون بالعربي

اما سالفه تعود << ماعتقد حد يقدر يتعدود على شي هو مهوب متربي عليه << يمكن تربيتهم بالانقلش ^_*

هذا راايي مع احتراامي لاراائكم

تسلمين يالغاليه على طرح هالموضوع اللي عاايشينه

دمتي بود

11-19-2009

السلام عليكم ورحمة الله وبركاته

مالك رجا اشكرش من كل قلبي على طرح هالموضوع الشيق والمتطلب نقاش
بصراحه انا اعرف ناس كذا
وحدة حاطه توبيكها (klmoony angleze)بالله هذي وشهي اتا استغربت وما عبرتها لاني احسها مراهقه
بس الموضوع رسخ فبالي
وماكنت اتوقع انه حركه منتشره
بصراحه المفروض نوقف فوجه "الاستعباط" اللي قاعد يصير ونكون يد وحدة
يسلموووو وتقبلي مروري

11-19-2009

انا معاش بكل كلمه تقولينها بالموضوع

وانا وحده اكره الانجليزيه المعربه ولا احب اكتبها او اقراها

الكمبيوترات ماقصروا وحطوا لنا حروف بالعربيه ليه بالله اعذب نفسي بهذي العقد

واول كنا نكتبها بالمسجات لانه المسجات كلها انجليزي ماتقدر نكتب عربي

بس الحين غير صارنا نكتب المسجات بالعربي و نرسل بالعربي

وخلونا نغار على لغتنا مثل الفرنسين مو كل شي نقلده

وعجبتني يالقلب النابض بسالفتك مع الفلبيني كلامك ميه بالميه

مادام ببلد عربي يتكلم عربي مو بس احنا اذا رحنا ديرتهم يخلونا نتكلم لغتهم بعد احنا نخليهم يتكلمون لغتنا

وتقبـلـي مداخلتــي يالغاليـه

11-20-2009

ما قصروا الجميع كفوا ووفوا

اذا بيكتب الواحد يا اما عربي او انقلش

اما عربيزي هذا احس اللي يكتب فيه معه انفصام

زي اللي لابس فنيله الهلال ويشجع النصر

الف شكر على الموضوع

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات المري نت

al3rbizi ... الـ عربيزي ...!!

الأتجاه المعاكس