شاللي خلاني اختار هالعنوان ..؟
يا طويلين العمر ..
الخيــــــــــانه + الغــــــــــــــدر .. !!
ايــه .. الخيانه والغدر .. هم اللي خلوني اختار هالعنوان ..
بس في شي لازم تفهمونه يا جماعه ..
انا ما اقصد شخص ..
انا اقصد .. المرأه والرجل .. بكلامي وتوجهي عن الخيانه والغدر .
انت تحب وتعشق وتبيع الدنيا عشانها .. وما تخلي شي والا تسوي لها .. وتوفر لها كل شي اهي تبيه من اشياء معنويه واحاسيس واشياء ماديه .. كل شي كل شــــــــــــــــي ..
وتصير بينكم عشره عمر .. والايام تكون احلى ما يكون بينكم ..
حتى الهواش والنجره اللي تصير بينكم .. تعتبر ملح حق هالعلاقه الطاهره المتوجه بالحب ..
وآخرتــــــــها ..!
تخون ................! وتغدر ؟!
إنزيـــــــــــــــــــــن ليــــــــــــــــــــش ؟؟
تقعد مع نفسك ... وتسأل حضره جنابك ..
ليش خانتني فلانه .. ليش خاني فلان
انا كل شي سويت له,,
وكنت مستعد ابيع نفسي عشانه .. وكذا .. وكذا .. وكذا ... الخ ..!
وما تلاقي نتيجه ...! او إجابه تريّحيــك ..!
والمصيبه الاكبــــــــــــــر .. انك اذا واجهته.. يقولك اجابــــــــــه .. وربي لما تسمعه ودك ترقع راسه بالطـــــــــوفه من سخافه وتفاهة الاجابه .. يعني لوساكت.. ابرك ..
طبعاً .. هالكلام للبنت والولد ..
ونوصل حق الحبيـــــــــــــــــــب .. رفيق العمر .. واخو الدنيا ..
صاحبك اللي اكلت معاه .. وعشت معاه احلى ايام عمرك وعكسها ..
واللي تفضله على اقرب الناس لك وتقربه منك اكثر من اخوك ..
واللي سويتله كل شي من خدمات وطلبات .. ماديه كانت او معنويه ..
وآخرتــــــــــــــــــــها ..!!؟
يتكلم عليك من ورى ظهرك .... يخونك او يغدر فيك لاسباب جداً سخيفه .. او من غير اسباب ..
يا جماعه ..
الواحد .. لازم يتعلم من هالسوالف .. والبلاوي .. مو على ان الشخص طيب وحبوب وقلبه ابيض .. كل واحد يقص عليه او يضحك عليه او .. او .. او ..
دام انك مريت بتجربه .. وانقرصت ..
خلاص .. افهم عاد .. وعلى قولتهم ( توخى الخطـــــــــــــــر )
الصراحه ..
والله حتى الواحد لويكون متوخي الحذر .. ومفتّح مخه ومشغله عدل ..
هم بينضحك عليه وبينغدر فيه لو شنو يكون ..
الله يعينّـــــــــــــــا ..
بس صراحاً ..
نصيحتي اهي شي واحد وتافه وبسيطه ..
ايّ شخص كان .. ولو شنو يكون قدره ومركزه بالنسبه لكم عالي ومبجل ..
ولو يكون اقـــــــــــرب البشر لكم ..
لاتثــــــــــــــق فيه !!!
بتقولون شلـون .. وشقاعده اتخربط هاذي !!
انا اقولكم شلون ..
الحين اذا انت وثقت بشخص ثقه تامه وعمياء .. مره وحده ..
وهالشخص سوى شي ( بلّــوه ) قويه ومصيبه يعني ..
وانت طبعاً .. واثق فيه ومو متوقع انه ممكن يصدر منه هالشي ..
شنو بيكون واقع الصدمه عليــــــــــك .....؟
صدمه صح ؟؟ ممكن انك تنهار ...؟ وفي احتمال حتى المستشفى تدخل ..؟ عدل كلامي هاا.!
هذا لانك واثق فيه ومتوقع انه لايمكن انه يخونك .. او يغدر فيك .. او يلعب عليك ..
بس شنو يكون الموقف لما حضرتـــــــــك .. تكون واثق فيه بنسبه معينه .!
مثلاً ... 40 او 50 او 60 او 70 .. بالاميه ... ؟ حـــــــدّك سبعين بالاميه .. وانا اقولك ليش .
لأن اذا كنت واثق بهالشخص العزيز والغالي بهالنسب .. وسوى مصيبته وبلاويّه ..
وانت اساساً مب واثق فيه بدرجه كبيره ..
ما راح يكون حالك لما تكون واثق فيه كلياً ..
على الاقل عندك نسبه حاط في بالك ان في يوم من الايام لاسمح الله بيصير شي ..
وادري .. انا طولت عليكم .. وعورت راسكم ( سندرت راسكم ) ..
آسفه على الإطاله ..
واتمنى فهمتوا ليش ..
وعسى الرحمن يبعدنا عن الغدر والخيانه والنفاق .. واكيد الكذب ..
آمين ..
اهداءات المري نت
12-06-2009
ابغي رايك بالخيانه بصراحه 
المواضيع المتشابهه للموضوع: ابغي رايك بالخيانه بصراحه 
العرض العادي
