الفارس / سالم بن لحيمر آل سنيد ( خيال الشرفا )

تحياتي للجميع

لاسترجاع ذكرى من جعلوا ذكرنا في القمة بين القبائل اشخاص عزيزين علينا بذكرهم فما بالكم لو نراهم ونجالسهم
لانستطيع ان نقدم لهم مايستاهلونه منا لذلك وجب علينا ان نخلد ذكراهم لكي يتناقلها ابنائنا من بعدنا ليعرفوا انهم من علاة القوم
في هذه المشاركة البسيطة نتذكر هنا الفارس والعقيد سالم بن لحيمر خيال الشرفا

فقد قتل ابوه سالم وهو في بطن امه وقد قتله فارس من قبيلة معروفة غدراً وعندما ولد الطفل سمي بوالده تيمناً به لعله يأتي على خطاه وفعلاً هذا الشبل من ذاك الأسد استسمى الطفل وربته والدته رحمهما الله وعلمته كل معاني الرجولة وهي من ال سمره ال نومان من ال عامر محمد
حتى اصبح عمره مايقارب 12 عاماً وكان تواقاً ومزعجاً للفرسان من كثرة الحاحه عليهم ان يأخذوه معهم في غزواتهم وكان له ما اراد ففي احد الايام خذوه وغزو القبيلة اللي فارسهم ذبح ابوك ياسالم وعندما اقتربوا منهم نزلوا وعقلوا المطايا والخيل وقالوا لسالم انت ياسالم توك صغير احرس المطايا والخيل وحنا بنهجد الرجاجيل وبنسبيهم
قال سالم ان شاء الله وقد كظم قهره على والده واستحقار الرجاجيل له لانه صغير
جلس سالم على عيون ربعه وعندما تأكد انهم ابعدوا منه تسلل واخذ طريق آخر للقوم وهجدهم وهم قاعدين على ضوهم والفارس اللي ذبح ابوه جالس يسولف ويضحك وناسي دم سالم بن لحيمر وقام سالم وتسلل بين الجيش ودبر الفارس ونحره نحر وقطع راسه وفر قبل لايمسكونه ويوم وصلوا ربعه الا سالم ناطحهم يصيح (( خيال الشرفا سالم لبي عادات وعلي جدادها ))
فتفاجأوا ربعه هذا كله يجي من البزر اللي تركناه عند القش يحرسه وكملوا على باقي القوم وسبوهم

ومن يومها وسالم ماله وصيف في ربعه

ارجوا السموحة لو في كلامي خطأ وعلى الجميع اللي يشوف خطأ يعدله


ودمتم سالمين

الله يرحمهم جميع اشهد ان به فارس

لاهنت يابو مشعل

والنعم بالحيمر وكافة ال سنيد ..

والله لا يهينك على ذكر ذا الاحدآث

لاهنت وننتظر المزيد

الله لايهينك والله يرحم موتانا
والله ان حنا محتاجين لذا القصص حتى نستفيد (يعني بتسوي مثلهم؟؟؟)
ونحيي ذكرااهم

(( خيال الشرفا سالم لبي عادات وعلي جدادها ))

كلمه حماسيه يقشعر لها البدن وسلمت اناملك يابومشعل على القصه الرائعه لماتحمل من شجاعه ومراجل
وعساك على القوه

مشكـــــــــــــور ورايتــــــــك بيضاء


لاهنــــــــــت ع المواضيع الرائـــعــــــه

ونـــــــــــعم بآلــ ســنــيــد لاهنت يابو مشعل

الله يرحمه ويسكنه الجنه

تسلم بومشعل على طرح هالموضوع الرائع

يعطيك العافيه