السلام عليكم ورحمة الله وبركاته
/
::
::
شاعره غنيه عن التعريف .. غنيه عن المقدمات
اترككم مع بعض مما قالته الراحله بخوت المريه..!!
::
::
::
::
المحبه لا سطت ما يعالجهـا الطبيـب
روحتك ياصاحبي ليت ربـي لدهـا
عادة الدنيا تفرق حبيب(ن)عن حبيب
وقطعش يارفقة(ن) والمفارق ضدهـا
::
::
البارحـه والحبايـب كلـنـا لـمـا
يوم اصبح الصبح كل(ن) راح في داره
حسبي على الحلم يكذب جعله الحما
سوّى بحالـي كمـا عـود ونجـاره
::
::
تل قلبي تل طير(ن) على الجول مهدود
يطرد المقفي وطـرد المقافـي كايـده
مهبلك ياللي تبي الوقت الأول لك يعود
من يرده كون محيي العظـام البايـده
::
::
زوع قلبي زوع طير قطع قد هو حكير
من شياهين البحر واستخل اهجارهـا
كل ما صاح االمصيح تعلوت تستديـر
عقب ما هي حكرة سعدها بطيارهـا
::
::
وجودي على بيت الشعر عقب بيت الطين
وجودي على شـوف المغاتيـر منثـره
وجودي على خوة هل الموتـر المقفيـن
وجودي على شوف السهل من ورا الحره
ليا حلوا البدوان وصاروا علـى بيتيـن
ومن كان لـه خـل مـع ذاك ماغـره
::
::
عسى من صنع ذا الهاتف ايدية ماتنشل
عسى دارة الوسمي يخـرب بساتينـه
تعلا الحـرارة وان تكلمتبـه تنـزل
على صوتهم قلبـي تريـح شرايينـه
وجودي على طيارة صوبهـم تنتـل
علشان مستشفاه باجـي مصاخينـه
::
::
ياعلـي ياخـوي ويـن بدوانـي غـدو
لا خبـر ولا مديـد ولا قلبـي بنيـس
راحوا العربان في شـف قطعـان البـدو
في هوى الخلفات ماراوزوا يوم الخميـس
نحف حالي ياعلي نحـف مـدراة السـدو
وزوع قلي زوع حر (ن) إلى شاف القنيص
::
::
تل قلبي تل فرت(ن)على سبر العجل
عشقه راعيه والحوض تحته قد ملاه
ان تسنّد عشّقه ثـم لـده بالدبـل
وان تحرر ريّحه لين ياصل منتهـاه
::
::
مل قلب(ن) فر وأفتر مثل المروحـه
فرها فرت جديـد قوي(ن)سيرهـا
ان ضحك لي صاحبي سر قلبي وافرحه
وان تغلى صاحبي زاد عينـي شرهـا
صاحبي ناوي يذبحني وانا مقوى اذبحه
شب في كبدي سنا نـار زوّد حرهـا
::
::
العب المنكوس وارفع بصوتي ماعلي
من هل المنقود واهل العلوم الهينـه
::
::
جعل وبل الغيث يسقي ديار المفرعين
منزل اللي كن حديثة حليب معدّية
ضيقيتي في خاصري دايم ماهوب زين
قومي اللي سم حالي وبيـح سدّيـة
ان سجنته قام يتبع دروب الدالهيـن
وان نشدته قال انا علتـي متعدّيـة
ان بغى خلي جنابي فلا غيره ضنيـن
وان بغى يقفي فيقفي مراح مودّيـة
::
::
كن ذيل ذروة راس بنت على زيان
يازين شوفه في العراقيـب يجتالـي
يازين شوف حوارها بارك ريـان
في حرف روض والمضاهير نزالـي
::
::
المرسدس محلاه في طلعت ام حويض
اليا عطي ثالث جاوب السير شكمانه
::
::
بينها وبين الموت:
اشهد شهادة حق ما تستحي يا موت
وانا اشهد ان ما فيك ميز(ن)ولا شيمة
صلاتش ردية والحكي زور يا بخـوت
وكل خذيتة من هله وانتـي مقيمـة
::
::
ياجماعة وإن عزمتوا على أنكم راحليـن
غمغموني عـن مظاهيركـم لاشوفهـا
كن في قلبي لهب نـار ربـع(ن) نازليـن
اشعلوهـا بالخـلا والهبـوب تلوفهـا
ول عود(ن)لاش رحمه ولا قلب(ن) يلين
عسى ذودك في نحر قوم(ن) وانت تشوفها
عيدوا بي في الخـلا والفريـق معيديـن
كل عذرا نقشت بالخضـاب كفوفهـا
مايقرب دارهم كـود صنـع الذاهبيـن
كود حمرا عزمها مـن صفـاة بلوفهـا
كن حنين الويل يشبه لخلفـات القطيـن
لينوا له بالقدم مـع طمـان اجروفهـا
::
::
حن قلبي حن (( ماك )) على سمر العجل
عشق السواق والدرب ممسـوك(ن) وراه
إن عطا مع طلعة(ن)عشقوا لـه الدبـل
وإن تسهل ريحـه ليـن ياصـل منتهـاه
ما بشفي لا دريـول ولا ريـس عمـل
شفي اللي كل ماشاف بـراق(ن) رعـاه
صبي أهله قطين(ن) على عد(ن) جاله عبل
طيب(ن) للبل وراعيـه مايقطـع ظمـاه
ونتي ونة خلوج(ن) ولدها مابعد جـدل
تشرف المرقـاب للـذود وتعـود وراه
::
::
ياحن قلبي حن ماك(ن) مع الطلعـات
ليا عشقـه بالعايـدي والدبـل جـره
جرمة ثقيـل وحملـوا فوقـه البيبـات
ويدعـس عليـه ببنزينـه ولا سـرّه
انا دمع عينـي بالدقايـق وبالساعـات
ولا هي علـى فرقـا المحبيـن مستـره
هواجيس قلبي كل ما أقول راحت جات
تعود علي باليوم خمسـة عشـر مـره
::
::
ليته يناديني وانـا بـس اناديـه
واجاوبه ياحسين ولو كان مـره
عليه قلبـي يابسـات عراويـه
اقفا ابقلبي من ضلوعـي يجـره
ذالي ليال قاعده فـي حراويـه
ليننهـا زادت علـى المضـره
قمت اتوجد وجد من مات غاليه
قبوه اقبالـه كـل يـوم يمـره
أو وجد من خاوه والليل ممسيه
ينخا ولا حد من هل الهجن مره
خلي طريح والضواري اتحاضيه
بالمقطعه وامقابله ضلـع حـره
على الذي ماشفت حي ايحاليـه
شيخ على القوم المعادين شـره
::
::
وفي الختام.. اترككم مع هذه الرائعه
جيت المنازل خاليه ما بها اونـاس
من عام الأول ارضها ما وطي بـه
ولقيت مرح أهل المـروات دراس
علمه بهم يا بو مطر علمـي ابـه
مريتهـا يـوم المعاليـق يـبـاس
ونزلتها يـوم الضمايـر عشيبـه
وونس بصدري واهج الحر حمـاس
احسب من فارق هله لي يجي بـه
واقفيت كن ابسرت القلب مراس
واقنب كما يقنب من الجوع ذيبـه
واعول كما تعول على البو عرماس
ومن لامني جعل حوالـه عطيبـه
باللي يفكون الطلب عقب الادماس
ربعي مصخرت العـدو بالغصيبـه
اليا منهم ركبوا على سرج الافراس
وتحيزموا من فـوق قـب عريبـه
اليا اعتزوا ببعيـر عالـي السـاس
خلوا على جمع المعـادي حطيبـه
ذكر الموده للعرب ما بهـا بـاس
لكنهـا علـى المولـع مصيبـه
حب الرفاقه شيب القلب والـراس
وباق المـوده لـه بديـل قريبـه
باقي العرب تلقا بديله مع النـاس
واخوك لو درت البدل ما لقيبـه
رحم الله شاعرتنا رحمة واسعه...!
اهداءات المري نت
01-12-2010
بخوت المريه..اسم يستحق الوقوف..!! 
المواضيع المتشابهه للموضوع: بخوت المريه..اسم يستحق الوقوف..!! 
العرض العادي
