مكياج كحلي <<<

01-23-2010

السلام عليكم ورحمة الله وبركاته

:
:

مكياجي اليوم كحلي خطيير و درجة اللون نفسها رووعه

صورة اللوك من كتاب الماكيير احمد قبيسي ..

:

هذي هي صورة اللوك ..

انتي اكيد ابدي بتاسيس بشرتك ايا كانت خطواتك .

وبعدها وزعي بودره مثوره تحت العين حتى تبقى المنطقه نظيفه من تناثر الشدو .

:

ابتديت مكياج العين بتوزيع اللون الابيض المنثور من ميك اب فورايفر (Star powder)

وزعته على كامل الجفن العلوي ومنطقة تحت الحاجب .

:

بعدها وزعت اللون البني المثور (Mink من Gosh)

نفس الدرجه هذي ودرجات ثانيه مقاربه تلقونها عند ماك ، لان لوني هذا اخذته من وحده تبيع وما ادري صراحه وين ينباع في السوق !

وزعته على الجفن العلوي بدون الوصول لمنطقة تحت الحاجب ..

واكيد موهت اللون وسحبته لبرى ،وايضا نفس الشي تحت العين .

:

عليه استخدمت اللون الكحلي من ماك اسمه (Deep truth)

استخدمت قطرة الديورلان اللي كلمتكم عنها وهذي صورتها

(المسحه اليمين في صورة الشدو باستخدام القطره واليسار بدون )

مجرد مسحه بسيطه عالفرشه وبعده حطي الفرشه في اللون..

وزعيه عالجفن ولو احتجتي زياده من اللون لا تحطين من الديورلان لان الفرشه تشبعت منه خلاص ..

هذا غير انه اللون وضح بالنتيجه المطلوبه فلا تزيدين لانه بيصير كثير وبتتعبين في الدمج .

موهي اللون الكحلي اللي حطيتيه واسحبيه للخارج شوي بس راعي انه في الاطراف يبين اللون البني اللي سبق وحطيناه .

:

كحلت عيني من الداخل بقلم كحلي من ماك.

:

من الخارج رسمت خط رفيع بالقلم الاسود الجاف على حد الرموش من فوق وتحت ورجعت موهته باللون الكحلي .

وبعدها مسكرة ديور اللي في النص واخيرا مسكرة لانكوم المشط .

مشطت حواجبي ورسمتهم وبكذا خلصنا مكياج العين .

:

نشيل البودره الحره اللي نثرناها تحت العين ونحط مسحه من هاللون الابيض من ميك اب فورايفر(n 7) تحت العين وعلى الانف والجبين والذقن .

:

استخدمت بلشر شانيل (98 FANTASIA) لونه مشمشي وفيه ذرات لميعه تعطي انعكاس على وردي وذهبي .

:

رسمت شفايفي بالروج الكريمي من انجلوت رقمه (21) وعليه القلوس المرافق له .

:

الماكير استخدم ايضا درجه ثانيه للروج على نفس الميك اب وهذي هي ..

:

واستخدمت جولدن جلوس من ايف سان لوران لونه فوشي بلمعه ذهبيه عطاني نفس النتيجه

وتقدرين تغيرين في الدرجات باللي يناسبك ..

عن نفسي فضلت الروج البيج اللي في الصوره الاولى اكثر من الفوشي .

:

وبكذا خلصنا .

ويارب يكون عند حسن ظنكم ..

تحياتي العطره للكل .

:::::::

01-23-2010

تسلم ايدج ع الميك الأب الحلو أكثر شي عجبني لون الروج رااايق أحب هالألوان

عساج ع القوه حبيبتي

01-23-2010

الله يسلمش يالغـلا

حياش الله نورتي

01-23-2010

روع‘ـــه المكيآج ممزوج مآبين الوحشي والكآت

تسلمين يآلغلآ ويعطيش العآفيه

01-31-2010

الله يعافيش يالغلا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: مكياج كحلي <<<
الموضوع	كاتب الموضوع	المنتدى	مشاركات	آخر مشاركة
مكياج kanebo sensai	ام الحول	سوق المنتدى	6	02-11-2009 08:51 AM

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات المري نت

مكياج كحلي <<<

عالم حواء+الطفل