يـآلـغـبـيــــــه ؟!؟!

02-03-2010

السلآم عليكم ورحمة الله وبركاته

يا غبّية
ماهوَ ذنبي إن كنتِ غبيّة ..!؟
ماهوَ ذنبي إنكِ جداً عاطفيه ..!؟
إن فتحتي لي أبوابَ الغرام .!
إن صدقّتي ماقلته مِنْ كلام
إن كنتُ فارسَ أحلامكِ في المنام ..!
من هنا نبدأ تفاصيل القضّية .....

أنا رَجل .. وأنت ِ أمرأة .. وبيننا إنجذاب ..
ولا يسيئُ منّا الأدب .. غير من أمِن َ العقاب ..

فإن معي تكلّمتي

وإبتسمتي وضحكتي

وبابٌ للشيطانِ فتحتي

سأجُبرك على فتح عشرين باب

...

لا أعرفك .. ولم اسمع صوتك .. ولم أراك
وأوهمٌتكْ بإني احبك ْ..وأعشقكْ وأهواكْ ..
وأني بكِ هائم ومفتون
وإنّ حُبكِ اصابني بالجنون

وإنّ إجمل لحظاتي عندما معاك اكون.....

ملكتك ..
حتى أصبحتِ كثيرة التفكير
أقنعتك ..
بإني في هواكِ أسير

إلى أن وصلت ْإلى مُرادي وانتهيتْ
ورحلتُ عن عالمكِ المحدود وإختفيت

وتركتُ رسالة بها إعتراف خطير

قلتُ لكِ سابق ( أنتي أميرة )

لكن للأسف كاذب .. (أنتي حقيرة )

خنتِ نفسك ..!!
خنتِ أهلك ..!!
وأصبحتِ بعد عزّك كسيره

ياغبيّة ..

يا أجمل ضحّية ..

تدرين ماهو اساسَ القضيّة ..!

لو قطعتي حبلَ الحبُ بدري

قبل الشيطان في الدم يسري ..

كان في لحظتها أسميتك

الفتاة الذكيّه

الموضوع على لسان أحد الذئاب البشرية
هي قصة من نسج خيال الكاتب لكنها
حدثت كثيرا للاسف بنفس الطريقة او بإخرى !!

البداية :
كنت اشاهد أحد القنوات الغنائية ( الشات تحديداً )

لقيت ثلاثة شباب ( يستهبلون على بنت ) .. بسبب ميولها الرياضي

فأرسلت على القناة ( وأترييق على الشباب ) ..

وبأنها موب رجولة إن الواحد يفرد عضلاته على بنت !!

يعني عشانها لحالها .. وضعيفه ..!!

وصار بيننا مشادة بالحكي ...

فأرسلت رقمي ( بطريقه مشفرّه ) ..

وقلت لهم ..

اللي في راس امّه خير .. يتصل ويقابلني ..

( طبعا أنا كل هدفي إني اكسب إعجاب البنت )

ولا أرسلت رقمي عشان نتهاوش ..

بالعكس ..

أرسلته عشان تشوفه البنت وتاخذه وتحفظه عندها ..

(بعد ثلاثة أيام )

جتني رسالة على الجوال .. :

السلام عليكم ( انا فلانه )
ياليت تضيفني عندك على المسن ..
وياليت ماتتصل على الجوال هذا ابد ..
أضفتها ..

وجلست أكلّمها شوي .

ثم جلست تشكرني على مداخلتي وعلى شجاعتي ..
وإستاذنت وقالت برب أنا مشغوله ..
...

جلست اسبوعين ماكلمّتني ولا كلمّتها ..
لكنّها متصّله ..بس ما نسولف ..
يوم من الأيام مسكت معي غلط ..
ودخلت عليها ( محادثه ) ..
وسألتها .. ليه ماتسولف .. هل هي مشغوله ..

قالت :

إنها ماتعودّت تسولف مع رجال ..
لكّنها اضافتني لأني كبرت بعينها بعد اللي صار ذاك اليوم ..
وبدأت السوالف بيننا .. وطاحت الميانه وكسرت البنت الخوف

فإن معي تكلمتي
وإبتسمتي وضحكتي
وباب للشيطان فتحتي
سأجبرك على فتح عشرين باب

....

طبعاً ( انا كــ/ ولد )

كلمّت اكثر من عشرين بنت ..
والعشرين كلهم يقولون نفس الكلام ( إنه أول مرّه يكلمون ولد )

وعشان كذا ماصدّقتها ..

وأرسلت لها اغنيه ( الرابط فيه باتش ) < ملف تجسس

والغبّيه فتحته ..

فدخلت على جهازها .. وشفت صورها ..

وأخذت أكثر من صوره ( لها ) ..

لكن الصوره مالها أي قيمه ..

إذا ماعرفت اسمها ووين ساكنه ..!!؟

عشان كذا ..
ارسلت رقمها ( لواحد في الإتصالات ) ..
عشان يعلمّني بأسمها ...
لكن الرقم كان ( بأسم هندي ) ..
فما عندي خيار .. إلا اني اخذه من البنت نفسها ( بطريقتي الخاصه
فشرعت بقول أجمل الكلام لها ..
وبأنها مختلفه عن بقّية البنات ..
وإني بديت أحبّها .. لأسلوبها ولطريقة كلامها والخ

لا أعرفك .. ولم اسمع صوتك .. ولم أراك
وأوهمتك بإني احبك ..وأعشقك وأهواك ..
وأني بكِ هائم ومفتون
وإن حبكِ اصابني بالجنون

وأن إجمل لحظاتي عندما اكون معاك ..

.....

بعد فترة ..
تعلّقت بي ..
أقدر اقول اني سحرتها .. وملكتها ..
فطلبت منها الزواج .. فوافقت ..
أخذت اسم ابوها .. واسم جدها .. واسم ابو جدها والعائلة
بحجّة إني راح اسأل عنهم ...
وعشان اذا جيت أخطبك وسألني ابوك
أكون عارف عنكم كل شي

ارسلت اسم ابوها الى صديقي في الإتصالات ..

وعطاني رقمه .. ورقم اثنين من عياله ( اللي هم اخوانها )

فاتصّلت على جوالها ..

ماردّت علي << لأنها رافضه السوالف على الجوال

فأرسلت لها ..
ضروووووووري ( اسمعيني ولا تتكلمين )

اتصلت مره ثانيه .. وردّت علي
وسكتت .. ولا تكلّمت
قلت لها ..

رقم ابوك كذا وكذا وكذا وكذا
ورقم اخوك فلان كذا وكذا وكذا وكذا
ورقم اخوك الثاني كذا وكذا وكذا وكذا ..

ورقمك انت ( مايحتاج اقولك من وين جبته ) !!!
وعندي لك اكثر من صوره بالجهاز
وانتي لابسه الفستان القصير باللون الأبيض ..
وصدقيني لو ماتسّوين اللي ابيه انا ..
راح اتصل على ابوك ..
وعلى اخوانك ..
وراح اقولهم اسمك ورقمك وارسلهم صورك ..
عشان يتفاهمون معك صح ( ويمكن يذبحونك )

تدرون وش صار ..؟

اتوقّع ان الصوره هذي معبّره

ملكتك ..
حتى أصبحتِ كثيرة التفكير
أقنعتك ..
بإني في هواكِ أسير

إلى أن وصلت إلى مرادي وانتهيت

ورحلتُ عن عالمك المحدود وإختفيت

بعد ما انتهيت ..
التفت لي وقالت :
انت قلت اني غير البنات كلّهم ..
انت قلت انك تحبّني موت .. وإنك راح تتزوجني ..

فكان جوابي لها ..

قلت لك سابق ( أنتي أميرة )

لكن للأسف كاذب .. أنتي حقيرة
خنتِ نفسك ..!!
خنتِ أهلك ..!!

وأصبحتِ بعد عزّك كسيره

إنتهت القصة

* إلى متى والبنات ينخدعن بإسم الحب ؟

ملاحظة

يمكن البعض يقول ( إن القضية هذي مستهلكه ) وتكلّم الناس عنها كثير

لكن صدقوني ...!!

كل يوم يطلع جيل من البنات ( يكونون ضحية الحب )

منقول للفآئدهـ للبنآت

وأنآ أقول لهم يآبنآت والله وثم والله مآفيه وآحد بيكون صآدق معش

بمجرد أنش مآتخونين أهلش وتعطينه وجه والله بتطيحين من عينه وبيكون كذآب في كل كلمه

يآبنآت أوعوآ لأنفسكم أصحووووووو من الغفله اللي أنتو فيهآ

والله مآفيه أحسن من أنش تطلعين من بيت أهلش لزوج مثمنش ومقدرش وجآيش عن طريق البآب

مهوب عن طريق النت

النت عآلم خيآآآآآآآآآل

النت تدخلون هنآ تفيدون وتستفيدون تستعبطون وتستهبلون تلعبون تسوون اللي تبون

أنآ وحده من النآس اللي أسوي كلشي في النت ومآ أرد نفسي من أي شي

لكن إذآ وصلت لي أو أوصلت لشي ممكن أنه يمسني علطووووووول أشغل صفآرة الإنذآر

يآبنآت أنتبهوآ لأنفسكم العمر مره والسمعه وحده ومآفيهآ غيرهآآآآآآ

كل وحده ترآجع نفسهآ هآلحين وتتخذ الإجرآءآت اللآزمه وتسويهآ

حتىآ لو كنتي في نص مشآوير الغفله توبي وأرجعي لعقلش ولكرآمتش

لأن هذي الحركآت في الأخير بتكون إهآنه لش صدقيني

والله لآيهينكم يآلغآليآت

تحيـــــآتي

02-03-2010

لي رجعه على روااااااقه

02-04-2010

هلا بعاشقة البطل العربي النادر

كلمات كلها مشاعر
وصدق النيه
جعل ربي يرفع قدرج عالي
نصيحه جدا ثمينه لمن تقدر غلاتها

02-04-2010

اللهم أفرغ قلبي من كل حب إلا حبك و حب عمل يقربني إليك و امح من قلبي كل شوق إلا الشوق للقائك و أنت عني راضي، اللهم استرنا فوق الارض وتحت الارض ويوم العرض ...

مالي إلا الدعاء لي و لهؤلاء الأغبياء والله يهدي من يشاء

وبارك الله فيج الغلا وكثر الله امثالج ^^

02-04-2010

اختي العزيزه يامدور الهين

اول شي احييش على هذا الطرح الهاام حتى وإن قرأت بين سطوره بأنه مستهلك وقد طال الحديث والنقاش فيه

بالعكس

دعونا نعيده ونزيده ما دمنا نرى حالات تبكي الأعين وتدمي القلوب !

أنا معك ِ أختي في كل كلمه قلتيها

مع تحفظي البسيط على التعميم الكلي الذي قرأته

ولكن هذا لا يمنع بأني لا أزال مؤيداً لك ِ

لأن العدد الذي لا يشمله هذا الموضوع لا يذكر مقارنه مع العدد الهائل الذي يسلك هذا المسلك القذر

ولن اكون مصيباً في الدفاع عنهم او في اعطاء الفتيات بصيص آمل ٌ زائف

لهذا وبحكم معرفتي بهذه التكنولوجيا منذ سنوات و التي لا يخلوا منها أي بيت في يومنا هذا

وبحكم معرفتي بحالات ليست منقوله ولا من وحي الخيال

اقول لكل أخواتي من تعتقد أن النت باب لمستقبلها أو مفتاح لحياه زوجيه سعيده

انتي واهمه

لأنه وبكل بساطه , من يريد الزواج من الشباب لن يختار زوجته من هنا ابداً

فلا تنجرفي خلف المدح الكاذب , والأهتمام المقصود , ولفت الإنتباه المتعمد
كل ما يقوم به اغلب الشباب من لفت إنتباه او متابعات للفتيات او اهتمام ما او حتى في بعض الألعاب له سبب واحد فقط وأعتقد انه معروف للجميع
فأحذروا واستيقضوا من أحلام بداياتها جميله ونهاياتها وخيمه

لاهنتي يا مدور الهين وعسى عمرش طويل

تقبلي مروري وتحياتي

منذ 4 أسابيع

تسلم يمناش اختي عالطرح المتميز

بس احب ابين لش نقطه اي رجل مايثق باللي تحبه عن طريق نت او مكالمات هذا شي معروف حتى لو ماكانت تكلم غيره البنت تكون احلامها على قدها لكن!!

لانظرت الى نفسها بعد ماشافت انها حبت وخلصت وماشافت الوفاء تعرف هالشي اي بنت راح تتسرع وتتعلق لكن في حقيقة الموضوع الموضوع كله وهــــــــــــــم بــ وهم وخيال بخيال

افضل من حب الزوج لزوجتــهـ وحب الاهل والاصدقاء بالنسبه لي مااشوف..لانه مبني صح

لكن الباقي نت ومكالمات كلها خيال وفتره وتعدي

السموحه ع الاطاله

تقبلي مروري

منذ 4 أسابيع

اقتباس:

المشاركة الأصلية كتبت بواسطة نور الذهب

هلا بعاشقة البطل العربي النادر

كلمات كلها مشاعر
وصدق النيه
جعل ربي يرفع قدرج عالي
نصيحه جدا ثمينه لمن تقدر غلاتها

هلآ بش زووود يآلبىآ قلبش

والله لآيهينش علىآ المرور الزين

نوووورتي يآغلآآآي

منذ 4 أسابيع

اقتباس:

المشاركة الأصلية كتبت بواسطة نف السحايب

اللهم أفرغ قلبي من كل حب إلا حبك و حب عمل يقربني إليك و امح من قلبي كل شوق إلا الشوق للقائك و أنت عني راضي، اللهم استرنا فوق الارض وتحت الارض ويوم العرض ...

مالي إلا الدعاء لي و لهؤلاء الأغبياء والله يهدي من يشاء

وبارك الله فيج الغلا وكثر الله امثالج ^^

آمين يآآآآآرب العآلمين

وصدقتي الدعآآآآء يرد القضآء والقدر والله يحمينآ كلبينآ

والله لآيهينش علىآ المرور الزين يآلغآليه

حيآش الله نوووورتي

منذ 4 أسابيع

اقتباس:

المشاركة الأصلية كتبت بواسطة خالد المري

اختي العزيزه يامدور الهين

اول شي احييش على هذا الطرح الهاام حتى وإن قرأت بين سطوره بأنه مستهلك وقد طال الحديث والنقاش فيه

بالعكس

دعونا نعيده ونزيده ما دمنا نرى حالات تبكي الأعين وتدمي القلوب !

أنا معك ِ أختي في كل كلمه قلتيها

مع تحفظي البسيط على التعميم الكلي الذي قرأته

ولكن هذا لا يمنع بأني لا أزال مؤيداً لك ِ

لأن العدد الذي لا يشمله هذا الموضوع لا يذكر مقارنه مع العدد الهائل الذي يسلك هذا المسلك القذر

ولن اكون مصيباً في الدفاع عنهم او في اعطاء الفتيات بصيص آمل ٌ زائف

لهذا وبحكم معرفتي بهذه التكنولوجيا منذ سنوات و التي لا يخلوا منها أي بيت في يومنا هذا

وبحكم معرفتي بحالات ليست منقوله ولا من وحي الخيال

اقول لكل أخواتي من تعتقد أن النت باب لمستقبلها أو مفتاح لحياه زوجيه سعيده

انتي واهمه

لأنه وبكل بساطه , من يريد الزواج من الشباب لن يختار زوجته من هنا ابداً

فلا تنجرفي خلف المدح الكاذب , والأهتمام المقصود , ولفت الإنتباه المتعمد
كل ما يقوم به اغلب الشباب من لفت إنتباه او متابعات للفتيات او اهتمام ما او حتى في بعض الألعاب له سبب واحد فقط وأعتقد انه معروف للجميع
فأحذروا واستيقضوا من أحلام بداياتها جميله ونهاياتها وخيمه

لاهنتي يا مدور الهين وعسى عمرش طويل

تقبلي مروري وتحياتي

أررررحب يآ خآلد المري

الله يحييك ويبقيك

وأنآ أعتبر ردك من أهم الردود لأنه دليل قآآآآآطع علىآ صدق كلآمي

وكلآمك يثبت مآقلته في موضوعي وأنت أحد الأصوآت من الطرف الآخر

وكلآمك كله صحيح ميه في الميه

وأسعدني تعليقك بخصوص أن

اقتباس:

من يريد الزواج من الشباب لن يختار زوجته من هنا ابداً

هذآ اللي أنآ أبي أفهمه البنآت وعجزت لآفهمهم

والله لآيهينك يآخآلد علىآ الرد الوآقي والمميز

يعطيك العآفيه

منذ 4 أسابيع

اقتباس:

المشاركة الأصلية كتبت بواسطة ام نوره العجمي

تسلم يمناش اختي عالطرح المتميز

بس احب ابين لش نقطه اي رجل مايثق باللي تحبه عن طريق نت او مكالمات هذا شي معروف حتى لو ماكانت تكلم غيره البنت تكون احلامها على قدها لكن!!

لانظرت الى نفسها بعد ماشافت انها حبت وخلصت وماشافت الوفاء تعرف هالشي اي بنت راح تتسرع وتتعلق لكن في حقيقة الموضوع الموضوع كله وهــــــــــــــم بــ وهم وخيال بخيال

افضل من حب الزوج لزوجتــهـ وحب الاهل والاصدقاء بالنسبه لي مااشوف..لانه مبني صح

لكن الباقي نت ومكالمات كلها خيال وفتره وتعدي

السموحه ع الاطاله

تقبلي مروري

هلآ و غلآ يآم نورهـ

أي والله شي معروف واللي يقهر إن عآد فيه أغبيآء يصدقون هآلخرآبيط والخرآفآت

وينهم مآيسمعون القصص ويعتبرون منهآ ؟؟؟

وعلىآ قولتش أجمل مآفي الكون حب الأهل والزوج لزوجته والصديق لأصدقآءهـ

هذآ هو الحب الصآدق والطآآآآآهر

والله لآيهينش يآلغآليه علىآ الرد الرآآآآآآئع

يعطيش العآفيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

يـآلـغـبـيــــــه ؟!؟!

الأتجاه المعاكس