البارحه

السلام عليكم ورحمة الله وبركاته
شحالكم انشالله تمام
البارحه يوم الخلايق نياما <<<< فصلت
اقصد البارحه جاني شويطين الشعر وكتبت هالقصيد اتمنى يعجبكم

احم احم الو الو << تجرب الميكرفون

تقول القصيده.................



لاتعرضني لبعدك والشتات
والعنا والهم والليل الطويل

والله اني عفت عقبك ذا الحياة
والله اني عفت نومي كل ليل

والله إني شفت أطراف الممات
يوم شفتك لابس(ن) ثوب الرحيل

باتسلى بما بقى من ذكريات
علها تشفي توهاج الغليل

لاتحسب إن الذي قد فات مات
شي منك فات... موته مستحيل

ودامك اللي رحت ياوافي الصفات
حسبي الرحمن وهو نعم الوكيل


وسلامتكم

صح لسانك يالغلا

دائماً مبدعهـ

أتحفتينا بهالكلمات الرائعهـ

ولاتحرمينا جديدك المعطر بالمسكـ

تشكرات بومشعل على المرور وصح بدنك

انا عاده بدش عرض ..


البارحه يوم الخلايق نياما <<<< فصلت .

كانج فصلتي ..

.وانا اقول الفيوز صابه شوط ..

شوه هالخبال ,, خبلتيبي ..

قصيدج مايحتاي حلوه ..

ماشاء الله عليج ..


ودوم جدام ..

هههههههههههههههههههه خبلتج؟؟؟
بسم الله عليج من الخبال

تسلمين لي ام حسين على المرور الطيب

صح لسانك ولا هنتي يالغلا

صح بدنك نبضات قلب
شرفني مرورك