أنا مــــــري

السلام عليكم

قريت قصيده لشاعر صغير بالعمر وكبير بقصايده باحد المنتديات

اسم الشاعر / ضاري بن شافعه المري



على كثر الهموم اللي بقلبي ماني بمرتاب
بعيش العمر والدنيا ولاني مفتكر فيها


واذا فكر عذول الضحك يجبر دمعتي تنساب
تهيضني بيوت جزال .. الا مزين قوافيها


صحيح اني صغير العمر لكن ينحسب لي حساب
واناطح لي كبار عقول وعيوبي اجافيها




انا ماني بمن يقرى ,, على روس الملا الكتاب
لجل يمدح حدٍ يعطي عطايا ينطمع فيها


وانا ماني بمن يكتب ,, قصيده ينطر الاعجاب
لجل ارضي غرور النفس وارضي هقوتي فيها


وانا ماني بمن يطمح ,, لكن في الحقيقه هاب
عقب عمرٍ قضى ينطر يهاب يخوض خافيها


انا رجلٍ ,, ولي كلمه ولاني هايب الانياب
اناطح لي مية رجال وانا واثق بما فيها


وانا رجلٍ ,, عزومي شداد وارقى للعلى باداب
بزين الخلق والكلمه وحكمة من حكا فيها


وانا رجلٍ ,, بيوتي جزال وانحت في قمم الهضاب
قصايد تفتخر باللي كتبها وافتخر فيها


وانا رجلٍ ,, ولي فعلي ولاني بالحكي كذاب
ولا امدح ناس ماتنفع واعظم من ظهر فيها


وانا رجلٍ ,, اشوش اليا طرتلي فعلت الاقراب
بني عمي هل العليا ياسعد اللي هقا فيها


وانا مري ,, ابي امدح ولكن كل حرف يهاب
اذا جا طاري اهل العز قبيله نجتمع فيها


وانا مري ,, اذا جيتك متعصب ترى الاسباب
طناخة راس ,, زين افعال ,, شجاعه ننعرف فيها


وانا مري ,, في كل مجلس تلاقيني انا الغلاب
بتاريخي ,, وتربيتي ,, وجدان افتخر فيها


وانا مري ,, الى من غبت بين بينهم الغياب
تغيب (العز والعزه) تروح لدار انا فيها




يطول المدح وابياتي صعب تنصف لها احزاب
لها صولات وافعالٍ وعزٍ رابيٍ فيها


انا بمدح هل العليا وكلٍ للفخر طلاب
وكلٍ عارف افعاله ولو محدٍ حكا فيها


ولحدٍ قادر يزور ويخلط بالفعل انساب
ويعقب اللي يقول ان القصايد سهل توفيها


عقب كل الحكي لبيك .. ياصاحب عن الاصحاب
وش اللي عكر ايامك ؟؟ تفضل عادنا فيها


نعتني تكفى ياضاري انا كلي (قهر وعتاب)
على دنيا تفرقنا ولا احدٍ رايقٍ فيها


الا ياصاحبي قلي وش علومك ؟ وش الاسباب ؟
حشى ما اسكت ودنيانا تقطعنا بشلافيها


نطق والدمع في عينه سجينٍ والقهر غلاب
انا تعبان ياخلي !! من الدنيا وما فيها


حكيت وحزني غالبني وانا من دمعته مرتاب !!
غصب نصبر على دنيا ولدنا للقهر فيها


سكت وانا عقب حكيه دريت ان الزمن كذاب
يعيشنا بوهم ذا الوقت ودنيا زين مافيها


يالعن الوقت !! اذا حدك تناظر خلك المنصاب
وهو عارف بفزعاتك وخابر كل مافيها


ولاتقدر سوى مسحة دموعٍ للزمن تنساب
وكتم اهات شجعانٍ على دنياَ انتهوا فيها


ذكرت باول ابياتي باني صعب اجي مرتاب
لاني اكتب جزالٍ تجملني بما فيها


ولكن اعترف اني من الدنيا لحقت انصاب
ولاسولفت لابياتي ولا حتى قوافيها

شـكــ وبارك الله فيك ـــرا لك ... لك مني أجمل تحية .
it is very nice

وانا مري ,, اذا جيتك متعصب ترى الاسباب
طناخة راس ,, زين افعال ,, شجاعه ننعرف فيها


وانا مري ,, في كل مجلس تلاقيني انا الغلاب
بتاريخي ,, وتربيتي ,, وجدان افتخر فيها


وانا مري ,, الى من غبت بين بينهم الغياب
تغيب (العز والعزه) تروح لدار انا فيها


صح السان الشاعر ضاري

وسلمت انامل بومشعل

اقتبست الابيات ولكن القصيده
جزله كلها بس الابيات
ذي زادت اعجابي
تحياتي

بومشعل

الله لا يهينك على المنتدى

ومبروووووووووووك

وعسى فالهالنجاح
وكلنا نعين ونعاون

duosrl
يعطيك العافيه ويسلمو على المرور


عيوني حزينه
يعطيش العافيه
وصح بدنش
وعساش ذخر لنا وللمنتدى ان شاء الله



ولاتحرمونا هالطله

عقب كل الحكي لبيك .. ياصاحب عن الاصحاب
وش اللي عكر ايامك ؟؟ تفضل عادنا فيها


نعتني تكفى ياضاري انا كلي (قهر وعتاب)
على دنيا تفرقنا ولا احدٍ رايقٍ فيها


الا ياصاحبي قلي وش علومك ؟ وش الاسباب ؟
حشى ما اسكت ودنيانا تقطعنا بشلافيها


نطق والدمع في عينه سجينٍ والقهر غلاب
انا تعبان ياخلي !! من الدنيا وما فيها



صح لساانك يا اضاري ملاين

وسلم بناابناانك يا ابو مشعل

صح لسااانكـ ولسااان شاعرهااا


ونعم والله فيه وفي ال مره


وتسلم ايدينك على النقل



ونتريا اليديد

على كثر الهموم اللي بقلبي ماني بمرتاب
بعيش العمر والدنيا ولاني مفتكر فيها

صح السانه

ويعطيك الف عافيه يابو مشعل

في انتظار جديدك

صـــح لســــــــــــــانـــــــــــــــك...

سلمــت يمنـــاك علــــــى...

القصيــــــــــــده الـــــرائعـــــــــــه....


راعي البل

مآشـآء آلله عليييـه .,.

آشهـد آنه شـآعـر

وآلله هيضتنـي كلمـاته .,.

صح لسـانك ولسـان كآتبهآ .,.