السلام عليكم ورحمة الله وبركاته
كيف حالك إن شاء الله دائما بخير ؟
أول قصيده حطها من كتبتي ...
ماهقيت شـوفته على صوره الجـوال غـربال
شفته وانا ماكنت عامل والله لصورته حساب
سألتها من ذا الي من حـلا عيونه سهـى البال
ضحكت!وقلت علامك اي بالله كـل مافيه جذاب
بخت الي عينه عليها عزالله انها حضيضه الفال
قالت نورة اهذا فلان بن فلان وقتها القلب ذاااب
ضاعت علومي كـلها وطاح من يـدي الفـنجال
قالت وش فيـك ؟! قـلت اطلعي وسـدي البـاب
خليني ابكي على الذكرى ..قالت البكــاا هبال
تبكين من حـلا عينه ..ولاعلى زينه الخـلاب
ولامن ضحـكه سنونه..ولا على ذيك الاهداب
قلت ابكي على سـوالف كانت بيننا ماتنقـال
حسـبي على الزمان الي يفرق بين الاحـباب
الله على ايام الطفوله يابنت وعلى راحه البال
يومه يجيني كل عصريه وجايب فـ يده الالعاب
والعب كان مايحلى بيننا والله الا بمعاميل ودلال
يقول متى اشوفك مثل امي لابسه عباه وحجاب
واقول متى اشوفك مثل ابوي لابس غتره وعقال
كنت اقـلد امي وهـو يقـلد ابوه يوم ينـادي عقاب
ونضحك وكانت ضحكـاتنا وقتهـا برائـه اطفــال
وياجعل يسقى زمـانٍ يربـط فـي عـيوني الشـال
ويصرخ حرام مـا تشوفين ومن غـشنا كـذااب
ويردد اسمي نورة نورة نورةعلى كبـر الدار
واتبع انا صدى صوته ومشي معه كني ظـلال
قـال نورة...وقلت جيتك صـدتك ياخـو عـقاب
مسكت ثوبه وقال.. هدي الثوب يابنت لرجال
قلـت لابالله ماهـدك لـو على قـطع الارقـاب
ومسـك دراعـتي وقلت.. هـدني ياولد الحلال
يقول لا بالله ما هدك لو على قص الاشناب
ونضحك وكانت ضحكاتنا وقتها برائه اطفال
واليوم كـبرنا وصـرنا نـلتقي مـثل الاغـراب
عـرفتي الحـين ليه الـدمع مـن العـين سـال
لانه يابنت في وقـت كـنا انا ويـاه اصحـاب
واليوم اشوف صورته على شاشه الجوال
سلامتكم
اهداءات المري نت
العرض العادي
