 | |  |
| أحبـك والّـذي كـوّن شراييـن الدمـا فينـي
يا اغلى من سرى داخل عروقي النابضه عشقه
أحبك و أنت عن زادي وشرب المـاي تغنينـي
و لكن الهوا بصدرك لجل صدري ومـن حقـه
إذا كنت النفَـسَ ليّـا و هـواي اللـي يدفينـي
أمانه لا يجي ف/ الجوف بأسباب البعـد حرقـه
أحبك و الغـلا فـي داخـل ضلوعـي يقدينـي
على دروبك و لا يحدى بأقدامـي ولـو سرقـه
أحبك ماهي ب/ كتلـة مشاعـر فيـك تحوينـي
أحبك قلب من تحت الضلوع وعاش بك عرقـه
أحبك يالسرور اللـي عـن الأحـزان ملهينـي
أحبك يالحنـان اللـي حوانـي غربـه وشرقـه
أحبك وأنت لو من دون قصـدك يـوم تطرينـي
تجيك أقصى العروق وتفتديـك بدمهـا شفقـه
أحبك يا مساحات النظر و النـور فـي عينـي
أحبك يالخيال اللـي لمـع فـي ناظـري برقـه
أحبك .! لا حشى مانيب أحبك يا هوى سنينـي
أنا شفت التراب اللي تدوسه أطهـر ب/ عبقـه
أنا بك مُترفه .. و العشق يا اغلى الناس كاسيني
ملامح وجهي المغرم بحضـرة جانبـك طرقـه
خيالي مـا يجـود إلا ب/ طيفـك يـا مروّينـي
إلين اسقى عقل ماعـاد غيـر بسيرتـك يفقـه
انـا ماهمنـي العالـم مدامـك أنـت تعنيـنـي
يا اغلى من سكن بين الضلوع الحانيـة عشقـه
الشاعره / لولوه الدوسري | |
 | |  |
اهداءات المري نت
06-29-2009
احبك والذي كون شرايين الدما فيني... 
العرض العادي
