حبيبة أحرمت حبيبها العشاء

هذي قصة يسولف فيها علي واحدن من شيبانا الله يطول بعمره :
يقول مبطي كنا كل يومين ولا ثلاثة نطلع للصيد وفي يوم من الأيام
قالي عمي تبغي حن نقنص اليوم ندور للصيد قال مشينا طبعن صاحب
القصة كان معروف بالرمي وأنة مايخطي الهدف..الحاصل مشوا وفي
طريقهم شاف عمة الحمامة قال تكفى ياولدي أرم الحمامة خلنا
نشتويها ونتعشاها.... طبعن ولده نيشن عليها ومع تركيزة على
الحمامة تحركت عنده المشاعر ونزل بندقة ألين طارت عقبة قاله
عمة وشبلاك.....
قام وقاله القصيدة ذي
حمامة تشكل صاحبي بالمسير أشكال *** عليهاالأمآن وحالف أني فلا أرميها
زهت بالصدر ودقيق العنق من الامثال*** زهت بالموآري الي تشابة مواريها
تخطى قدم عيني وأنا أشوفها تختال***وكنها تقول المحبة وين راعيها
وقالت بترميني عقب ماجرى للحال*** من فراقك إلي محرق الروح صاليها
وقالت وقالت بالخفى بس ماينقال*** أتذكرني سوالفهاقبل ترحل لياليها
وأناأقول والله ماطرى رميهابالبال***عليهاالأمان وحالف أني فلا أرميها
قال عمة: حسبي الله عليها أحرمتنا العشآ
جزلك ياولدي ودنا لهم الليلة خلنا نتعشآ عندهم يوم أحرمتنا العشآ
وشرايكم في القصة أنشاءالله تكون أعجبتكم
تقبلوا تحيـــاتي[/color][/size]

الاااااااااه حلوة القصه


تسلم يمينك اخوي


وتحياتي لك









الشقرة

ناااايس

يسلموووو خوويه

واتريا يديدك
تقبل مروووري^^

قصه رائعه وفيها الوفاء والحب الطاهر الحقيقي ,, وتستاهل حبيبته إنه يحرم صيد الحمامه لعيونها ,,

أعجبتني الابيات جدا , شكرا لك يا بعيد المغازي وكثر من ذا السوالف اللي معناها سامي وطاهر ,

تقبل مروري

لاهنت يابعيد المغازي على الطرح الرائع وياجعل ابرك غلطه خلته يتعشا عندهم
سلمت يمناك...

تحياتــي لكـ ..
راعيــة العايــدي

يعطيك العافيه على الابيات
وتسلم الايادي المواضيع المميزه